今年的'閩南語歌唱比賽
我們挑了一首抒情歌
雖然大家'超想唱追追追這樣的嗨歌
但在分組試著表演過後
你們終於體會到搞笑演出要克服的瓶頸很多
可能是我們都無法勝任的
所以乖乖的選了'導ㄟ推薦歌曲 神隱少女台語版
一再的練習
桌椅一往後推
班上就是小舞台
一起接受我的魔鬼訓練
雖然不算天籟
也唱不出原唱的 fu
但相信這首歌已經是我們回憶中最美好的旋律之一了 ~
歌詞來自王昭華 美麗（神隱少女）
無岸的大海是藍色的 bô huānn ê tuā-hái sī nâ-sik --ê
咱的島是綠色的 lán ê tó sī li̍k-sik --ê
齒屐的山看著青青 khí-khia ê suann khuànn-tio̍h tshinn-tshinn
山頂的雲白白 suann-tíng ê hûn pe̍h-pe̍h
看袂著的風是無色的 khuànn-bē-tio̍h ê hong sī bô sik --ê
清水是透明的 tshing-tsuí sī thàu-bîng --ê
貓面的地球戇戇踅 niau-bīn ê tē-kîu gōng-gōng-se̍h
毋拘遮爾美麗 m̄-ku tsiah-ni̍h bí-lē
日頭光a炎炎 ji̍t-thâu kng-a-iām-iām
照入這個花花世界 tsiò ji̍p tsit ê hua-hua sè-kài
勞碌的人當時停睏一下 lô-lo̍k ê lâng tang-sî thîng-khùn tsi̍t-ē
拍開目睭共看覓 phah-khui ba̍k-tsiu kā khuànn-māi
叫是攏相仝的 kiò-sī lóng sio-kâng --ê
結果煞攏無相仝 kiat-kó lóng bô sio-kâng
擱較予人看無目地的細粒籽 koh-khah hōo-lâng khuànn bô ba̍k-tē ê sè-lia̍p-tsí
嘛有活命塊生湠 mā ū ua̍h-miā teh sinn-thuànn
無邊的宇宙是冰冷的 bô-pinn ê ú-tīu sī ping-líng --ê
太陽是燒熱的 thài-iông sī sio-jua̍h --ê
那璇石的閃熠天星 ná suan-tsio̍h ê siám-sih thinn-tshinn
毋知通蹛人抑袂 m̄ tsai thang tuà lâng iah bē
看袂著的你變土粉做的 khuànn-bē-tio̍h ê lí pìnn thôo-hún tsuè --ê
我猶原有肉有血 guá îu-guân ū bah ū huih
一目睨的人生短短 tsi̍t-ba̍k-nih ê jîn-sing té-té
毋拘遮呢美麗 m̄-ku tsiah-ni̍h bí-lē
月娘光a恬恬 gue̍h-niû kng-a-tiām-tiām
照入這個烏暗世界 tsiò ji̍p tsit ê oo-àm sè-kài
受傷的人當時得著安慰 sīu-siong ê lâng tang-sî tit-tio̍h an-uì
展開心肝共看覓 thián-khui sim-kuann kā khuànn-māi
空嘴攏無相像 疼的痛苦攏相像 khang-tshuì lóng bô sio-siâng thiànn ê thòng-khó lóng sio-siâng
擱較軟汫的人嘛有堅強的力量 koh-khah nńg-tsiánn ê lâng mā-ū kian-kiông ê li̍k-liōng
因為重生的向望 in-uì tiông-sing ê ǹg-bāng
===（重複）===
一目睨 有向望抱咧 tsi̍t-ba̍k-nih ū ǹg-bāng phō leh
一目睨 通堪得痛咧 tsi̍t-ba̍k-nih thang kham-tit thiànn leh
一目睨 真實活咧 tsi̍t-ba̍k-nih tsin-si̍t ua̍h leh
才會遮爾美麗 tsiah ē tsiah-ni̍h bí-lē
===（重複）===
